Siglir tar il cuntegn
Inhalt

Surselva Banca Raiffeisen Surselva realisescha in gudogn da 253'000 francs

Quai munta in plus da 3,4% cumpareglià cun l'onn avant. Era la summa da bilantscha è creschida per 8,5% sin 650 milliuns francs.

La sedia principala da la Raiffeisen Surselva a Glion.
Legenda: La sedia principala da la Raiffeisen Surselva a Glion. RTR

L'onn 2018 vegn ad esser in onn da midadas per la banca Raiffeisen Surselva. Per ina vegn decidì sur da la fusiun cun la banca Raiffeisen Tumpiv. Ina fusiun ch'auzass la summa da bilantscha per 100 milliuns francs. Ed il dumber da commembers creschiss per bunamain 900 commembras e commembers sin circa 8'500 persunas.

Sche la fusiun vegn realisada, la Raiffeisen Tumpiv ha gia detg gea, daventa il president actual da la Raiffeisen Tumpiv, Maurus Cathomas, commember dal cussegl d'administraziun da la Raiffeisen Surselva. A lunga vista duai il cussegl dentant vegnir reducì da tschintg sin trais persunas. Perquai èsi previs da betg remplazzar Carmelia Maissen ed Armin Spescha che han abditgà.

RR novitads 10:00