Banca Raiffeisen Surselva augmenta gudogn e commembers

L'onn da gestiun 2014 ha la Banca Raiffeisen Surselva augmentà il gudogn per 1,5% sin CHF 227’672.-, cumpareglià cun l'onn avant. Era il dumber da commembras e commembers è s'augmentà sin bunamain 7’200 persunas.

La sedia principala da la Banca Raiffeisen Surselva a Glion.

Legenda da maletgs: La sedia principala da la Banca Raiffeisen Surselva a Glion. RTR, L. Livers

Sco quai che la banca communitgescha, è la fatschenta dad ipotecas creschida per 3,7%. Ils daners da clientella èn creschids per 5,7 %. Nov munta la summa da bilantscha a 554 milliuns francs. La banca haja analisà ils custs e pudì tegnair quels sut controlla. Ils custs da persunal sajan vegnids sbassads per 1.1%.

La fatschenta principala da la Banca Raiffeisen Surselva è a Glion. Filialas sa chattan a Flem, Laax, Sursaissa, Vella e Val. La radunanza generala da la Banca Raiffeisen Surselva ha lieu sonda ils 11 d’avrigl en la Waldhaus Arena a Flem. Sco giast d’onur è Reinhold Messner preschent. El tegn in referat sur dal tema «Am Limit».