Siglir tar il cuntegn

Header

cuntegn

Auas grondas Material da deponia vegn manà davent dal Glogn

Sper las galarias da la Val Riein ha il Glogn manà navend urden che avess stuì vegnir dismess sin deponia.

Auas grondas datti en il Glogn uschè circa mintga 3 onns. Quai di Thomas Roggenmoser, il scolast da la scola da canu da Versomi che mesira l'aua dal Glogn. Quai vul dir ch'ins atgnamain quintar cun in tal eveniment, durant ch'i vegn renovà las galarias da la via chantunala.

Cumparegliaziun dals maletgs

Stuschar reglader a sanestraStuschar reglader a dretga
Legenda:Galeria val da RieinIl Glogn avant e durant aua grondamad

Posiziun dal chantun

Ins n'haja betg pudì quintar cun in tal eveniment manegia Eugen Duff, il manader dal district 6 da construcziun bassa. Questa rampa ch'è ussa lavada davent saja vegnida construida cun il consentiment dal chantun. Ma la finala saja la firma che bajegia, sezza responsabla en in tal cas.

Per Anita Mazzetta dal WWF Grischun n'è quai betg chapibel che questa plazza da lavur n'è betg stada segirada cunter auas grondas.

Privel resta

Quai che resta è ussa la malsegirtad per tut quels che van cun canu sin il Glogn. La tocca da betun armà che l'aua gronda ha prendì cun ella è derasada probablamain fin viaden en il Rain. E la tocca po esser privlusa. Per ils canuts èn quai traplas che pon perfin custar la vita.

RR actualitad 12:00

Artitgels legids il pli savens