Siglir tar il cuntegn

Header

Purtret Armin Caduff
Legenda: Armin Caduff: Jau vivel da e per la musica. RTR, Linus Livers
cuntegn

Armin Caduff sin ils 70 Ina vita per la musica

Armin Caduff: «Chalar cun 70 è nagin tema, cun mia vusch da bass pos jau anc chantar ditg».

Sco buob siemiav'jau d'ina carriera da ballapedist. Ma il talent n'ha betg tanschì per far ina tala carriera. Durant il studi da musica hai jau stuì sa decider. La decisiun da far musica è stada ina decisiun che jau n'hai mai deplorà.

Ils Trubadurs Sursilvans e suenter La Compagnia Rossini, quai èn ils terms che Armin Caduff ha tschentà per la musica da chors e per la musica classica en Surselva.

Ina vita per la musica

Armin Caduff ha cumponì, arranschà, dirigì e sez chantà – e quai atgnamain gia adina. Sin ses 70avel anniversari metta el ussa a disposiziun 230 chanzuns ed arranschaments en furma electronica per in e scadin. Quai saja ses regal per la Rumantschia.

Betg senza mia dunna Lisabeth

L'um da la musica conceda che senza sia dunna Lisabeth n'avess el mai savì ir quella via da musicist. Dapertut là, nua ch'el saja fitg flaivel saja sia dunna Lisabeth fitg ferma.

Ella è stada mia pitga, ella m'ha dà la forza ed il curaschi dad ir questa via professiunala.
Autur: Armin Caduffchantadur e musicist

Cun 70 onns ha el ussa anc nagin gust da remetter, cuntrari l’auter onn festivescha La Compagnia Rossini ses 40avel ed era quai cun il maestro Armin Caduff.

RR Il chavazzin dal di 08:40