Siglir tar il cuntegn

Header

Navigaziun

Las siat soras (Tschingelhörner) cun la fora da Son Martin.
Legenda: Las siat soras (Tschingelhörner) cun la fora da Son Martin. Keystone
cuntegn

Surselva Arena tectonica sa prepara sin l’onn da giubileum 2018

L’Arena tectonica Sardona ha a la radunanza da delegads a Wangs (SG) approvà il quint annual dal 2016. Quel serra cun in gudogn da 58’000 francs. Uss pon las preparativas per l’onn da giubileum 2018 cumenzar.

Leci Flepp.
Legenda: Leci Flepp nov commember dal cussegl consultativ scientific. mad

A la radunanza da delegads è vegnì elegì Leci Flepp sco commember dal cussegl consultativ scientific. Flepp è manader da la partiziun perscrutaziun, svilup e servetschs da la Scol'auta pedagogica dal Grischun. Reelegì en uffizi è vegnì Fritz Marti-Egli da Matt (GL), vicepresident resta Sep Cathomas da Breil.

Bunas cifras per l’onn 2016

Plinavant han delegadas e delegads approvà il quint annual dal 2016. Quel serra cun in gudogn da 58’000 francs. Tenor communicaziun saja quest surpli cunzunt d'attribuir a la conclusiun da la cunvegna da prestaziun 2016-19 cun ils chantuns. Il gudogn vegn tenor Harry Keel il manader da fatschenta da l’Arena tectonica Sardona tranter auter duvrà per il giubileum dal 2018.

RR novitads 14:00