Siglir tar il cuntegn

Header

audio
Arena Alva: Sguard sin l'enviern 21/22
Or da Actualitad dals 17.09.2021.
laschar ir. Durada: 1 minuta 45 Secundas.
cuntegn

Arena Alva SA «Nus sperain ch’i dettia in enviern normal»

Reto Gurtner resta president dal cussegl d’administraziun da la Gruppa Arena Alva. El ed ils auters commembers èn vegnì confermads en l'uffizi a la radunanza generala da la Arena Alva SA. Malgrad corona serra l’onn da gestiun 20/21 cun ina svieuta netto da 89,5 milliuns francs.

Preparar intgins szenaris

Il schef da la Gruppa Arena Alva Markus Wolf spera ch’i dettia in enviern normal. Forsa laschian tantas persunas virolar ch’ins pudess far valair che la pandemia saja finida – sco quai ch’il Danemarc fa. En scadin cas stoppian els sa preparar sin intgins scenaris, per exempel sche las pendicularas stuessan introducir in certificat da covid.

Markus Wolf
Legenda: Markus Wolf RTR, Hubert Giger
In certificat da covid fiss ina gronda sfida. Sch’ins ha en guants e skis enta maun, alura è tut in zic pli cumplitgà.
Autur: Markus Wolf Chef dalla Gruppa Arena Alva

Reto Gurtner ha era discurrì en ses referats introductiv da covid.

Reto Gurtner e la midada dal clima
Legenda: Reto Gurtner e la midada dal clima RTR, Hubert Giger
Sche nus na cuntanschain betg l’immunitad collectiva, limitain nus nossa libertad anc pli fitg.
Autur: Reto Gurtner President dal cussegl d'administraziun

E plinavant ha il president dal cussegl d’administraziun discurrì da la midada dal clima. El ha appellà d’avair quità da nossa existenza. En connex cun la midada dal clima ha el ditg pli tard che la staziun da muntogna a Crap s. Gion duai daventar ina chasa da spargnar energia. Era projects sco Flem-Foppa-Naraus vegnan persequitads enavant. La finanziaziun da quel saja segirada, di Gurtner. Planisà èn pendicularas e sutgeras en il territori da skis ed indrizs da far naiv sur 2'000 meters. Ed era il project a Falera cun resort e pendiculara resta in tema.

RTR actualitad 11:00

Artitgels legids il pli savens