Siglir tar il cuntegn

Header

Il territori da skis Arena Alva cun il Crap Son Gion.
Legenda: La Arena Alva engrazia en in inserat per l'absenza al territori da skis. mad
cuntegn

Surselva Arena Alva engrazia als indigens per betg esser stà cun skis

«Nus schain engraziel», uschia sa numna l’inserat da l’Arena alva cumparì en il Fegl uffizial.

Cumenzà ha quella istorgia cun ina brev, che l’Arena Alva ha tramess avant Nadal a tut ils indigens da la regiun da l’Arena Alva. En questa brev han ins supplitgà ils indigens da betg ir cun skis pervi da la mancanza da naiv, ed uschia laschar la prioritad als giasts.

Purtret dal mainafatschenta da l'Arena Alva Reto Gurtner a Laax.
Legenda: Reto Gurtner supplitgescha ils indigens da star a chasa sur Nadal e Bunmaun. RTR, S. Monn

La brev dal maina-fatschenta da las pendicularas da l’Arena Alva Reto Gurnter ha procurà per bleras discussiuns. Sur ils cunfins svizzers han las medias rapportà da la brev als indigens.

Questa supplica valia enfin che las pistas fin giu en la val stettian a disposiziun. I dovria persuenter mo 3 dis fraids. En quest temp saja quai pussaivel da far naiv artifiziala e da preparar las pistas a val.

Uss procura l’Arena Alva per in di dals indigens, cun pistas libras mo per els ed in pitschen refrestg.

RR novitads 06:00