Andrea Cavegn-Beer, mamma ed ustiera da Rueras è ina da las quatter finalistas per il titel «chatschadra svizra» che la revista Schweizer Jäger surdat per la terza giada.
Andrea Cavegn-Beer ha 29 onns ed ha ertà la passiun per la chatscha da ses bab. Uss va ella sezza a chatscha e vul esser ambassadura per in maletg positiv da la chatscha grischuna ed en general. Andrea vuless communitgar che «la chatscha na saja betg mo ir a sajettar animals, mabain ina materia cumplexa cun blers facturs davostiers».
La nova «chatschadra svizra» vegn preschentada la sonda, ils 17 da favrer a Berna en il rom da l'exposiziun da pestga, chatscha e tir.
RTR Telesguard 17.40
