Siglir tar il cuntegn

Header

cuntegn

Surselva Anc 9 vischnancas grischunas senza nums da vias

Tut las vias en las vischnancas dal chantun Grischun duain avair in num e mintga chasa in numer lasuenter.

Quest project naziunal ch'ha cumezà il 2012 en il Grischun leva il chantun pudair terminar quest onn. Ussa mancan però anc 9 vischnancas che n'han anc fatg nagur en chaussa. Var 30 vischnancas sa chattan anc en la fasa da realisar il project.

Per Hans-Andrea Veraguth il geometer chantunal e maina project èsi sta cler a partir da l’entschatta, ch’i pudess vegnir grev da realisar il project en tut las vischnancas. L’autonomia da vischnancas en il Grischun lubescha numnadamain a las vischnancas da decider sezzas en questa chaussa.

Termin vegn prolungà fin il 2019

Las vischnancas che n'han anc betg lantschà il project vegnia il chantun franc er da persvader, manegia Veraguth. La confederaziun ha prolungà il termin per realisar quest project da Swisstopo fin il 2019.

L’idea fundamental dal project da Swisstopo è, che tut quai ch'ha da far cun adressas saja en ils mauns da la confederaziun. Ils custs per il project muntan a var 2 milliuns francs en il Grischun. Da quai surpiglia la confederaziun 30%.


Passa 8'000 vias e lur nums

«Bahnhofstrasse» datti 30 giadas en il Grischun. «Principala» datti 25 giadas, «Prinzipala» mo ina giada ;)
Legenda: «Bahnhofstrasse» datti 30 giadas en il Grischun. «Principala» datti 25 giadas, «Prinzipala» mo ina giada ;) RTR

En il Grischun dat quai tenor il register da la Posta da quai da 8'201 vias. Ils nums ils pli derasads pon ins vesair sin la grafica qua speras. Pli gronda che la scrittira è e pli savens chi dat quai num da via en il Grischun. Variantas sco «Quadras» e «Quadra» vegnan tractadas dapersai.

Mo era auters nums dat quai savens:
Winkelstrasse, Winkelgasse ni Winkel (17 giadas), Vitg (15 giadas), Veglia (12), Unterdorf/strasse (17 giadas), Tobelweg ni -strasse (9 giadas), Sutvitg ni Sut vitg (10 giadas), Sumvitg, Sumvei ni Sumvoi (13 giadas), Stradun ni Stradon (14 giadas), Staziun (25), Baselgia ni Baselga (17 giadas), Scola ni Scoula (17 giadas), Quadra ni Quadras (25 giadas)

RR actualitad 12:00