Siglir tar il cuntegn

Surselva Anavon Ski SA cumenza cun in chapital d'aczias da 500’000 francs

La successura da Zai, la Anavon Ski SA, ha cumenzà a lavurar. Las paraids vegnan coluradas e gia questa fin d’emna vul Simon Jacomet ir cun l’emprim ski producì en la manufactura nova.

Legende: Video La producziun da skis a Mustér cuntinuescha abspielen. Laufzeit 2:52 Minuten.
Or da Telesguard dals 03.04.2018.

Intginas maschinas haja el pudì surprender da Zai, autras haja ses partenari, Andreas Egli, mess a disposiziun. Els veglian producir skis per 1500 fin 2000 francs. Ils models da basa da Zai custavan tranter 3000 e 6000 francs, in motiv che Zai n'ha betg pudì scriver cifras nairas. Guardond enavos di Simon Jacomet ch'el na saja stà cuntent, ch'il success economic haja mancà. Perquai stoppian els lavurar en il futur cun in'autra strategia.

Conscient da la ristga

La partenza è dada cun in chapital d’aczias da 500’000 francs. Sco il president dal cussegl d’administraziun Kurt Schär ha ditg ad RTR saja el conscient da la ristga. Mintga interpresa nova, saja ina ristga.

Team cun gronda savida

Pertge duess la Anavon Ski SA funcziunar meglier che Zai?
Per Simon Jacomet datti plirs motivs:

  • Sia experientscha da passa 30 onns en il sectur da skis.
  • Il team da 5 persunas cun sia gronda savida. Perquai na saja quai betg impurtant, danunder ch’ils investiders vegnian, di Jacomet.
  • Il principi da kaizen che vul, ch’ins optimeschia cuntinuadamain il process da lavur.

RR actualitad 17:00