L'alpinist da 29 onns era sin via dal Brichlig al Piz Cavardiras cun in collega. Cun traversar il crest norddal Cavardiras era el vegnì tutgà d'ina platta da grip glischnanta ed è restà bloccà tranter blocs da grip. Ils gidanters han duvrà l'agid da helicopters da la «Rega» e da «Swiss Helikopter», dad unitads dals pumpiers da Sursassiala e da la polizia chantunala.
L'alpinist blessà grevamain è vegnì sgulà en l'ospital chantunal a Cuira.
RR novitads 14:00