Sin l'Alp Gren sur Sursaissa ha il luf danovamain stgarpà 8 nursas la notg sin ier. Quai ha l'uffizi chantunal da chatscha communitgà. Igl è gia la terza attatga quest mais e la quarta dapi il fanadur sin quest'alp. L'entschatta avust aveva il luf stgarpà là 12 nursas ed il fanadur 6.
L'uffizi da chatscha conferma plinavant ina nursa stgarpada sin l'Alp Cugn sur Pitasch. En la regiun da Sursaissa viva tenor l'inspecturat da chatscha sco ch'i para in quart triep da lufs en il Grischun.
Il luf en Grischun
Ils 7 d'avust aveva l'inspectur da chatscha prendì posiziun envers RTR davart la situaziun dal luf en Grischun e pretendì ch'il chantun stuess uss avair la pussaivladad da regular lufs che fetschian problems:
audio
Mezdi: Adrian Arquint davart la situaziun cun il luf
ord Actualitad dals 07.08.2019.
laschar ir. Durada: 2 minutas 59 Secundas.
RR novitads 16:00
