Siglir tar il cuntegn

Surselva Alp da Schlans: Gronda part da lavurs da rumida è fatga

Ils 22 da schaner ha ina lavina destruì in bajetg da l'alp veglia, ina tegia da mises ed ina part d'in guaud da protecziun. Pervia da la blera naiv da l'enviern passà han ins pir pudì cumenzar il matg cun las lavurs da rumida.

Legende: Video Lavurs da rumida sin l'Alp da Schlans abspielen. Laufzeit 3:31 Minuten.
Or da Telesguard dals 05.06.2018.

Sper ina veglia tegia d'alp che vegniva betg pli duvrada ed ina tegia da mises, ha la lavina era destruì ina part d'in guaud da protecziun da circa 300 onns. Tge che schabegia cun las tegias na saja aunc betg sclerì. Tenor Mattias Cadruvi, il selvicultur da la vischnanca Trun, èsi dentant gia cler, ch'i na vegn betg plantà novs pegns ni bajegià rempars nua ch'il guaud da protecziun era.

Custs da circa 200'000 francs

Total quinta Mattias Cadruvi cun donns da circa 200'000 francs, quai inclusiv ils custs da rumida. Reducir quels custs cun vender la laina derschida da la lavina na possia la vischnanca dentant strusch. Quai na saja betg buna laina, cun blera roma e donns pervi da la forza da la lavina. Dus terzs da la laina stoppia vegnir nizzada e transportada en furma da zinsla a val.

RR actualitad 11:00