Siglir tar il cuntegn
Inhalt

Surselva Alois Carigiet ha durmì a Glion

Durant la Segunda Guerra mundiala era Alois Carigiet staziunà a Glion. Ed igl artist ha era lura gì il regl da dissegnar.

Alois Carigiet sco schuldà (maletg en la chasa Lutta).
Legenda: Alois Carigiet sco schuldà (maletg en la chasa Lutta). RTR, C. Albin

Ils maletgs d'Alois Carigiet sa chattan en ina chasa en il center da la citad veglia da Glion. En ina stanza al plaun terren, oz ina part da la boutique da moda «Boutique Q:?», ha el decorà las preraids cun differents maletgs e motivs. Creà quels maletgs ha Alois Carigiet l’onn 1939, sco ina signatura sut in dals maletgs tradescha. Tenor il possessur da la chasa Hans Lutta, vegnivan quellas localitads duvradas da lez temp dal militar.

Difficil da mantegnair

Ils maletgs èn malegiads direct sin il mir da crap plitost umid, quai ch'è problematic per conservar la colur. Prender davent insaco ils maletgs da la paraid e dischlocar els en in lieu pli adattà na saja betg pussibel.

La segunda e davosa restauraziun è gist ida a fin. L'emprima restauraziun dals maletgs è succedida avant circa 30 onns. Cun sientar ils mirs spera Hans Lutta uss, ch'ils maletgs tegnian pli ditg. Ils maletgs d'Alois Carigiet en la chasa Lutta pon vegnir admirads durant il temp che la boutique da moda è averta.

Legende: Video Alois Carigiet sco pictur da paraids abspielen. Laufzeit 04:21 Minuten.
Or da RTR dals 13.04.2016.