Datiers da la natira
L’albiert da giuventetgna enritgeschia la purschida da l’uniun svizra, quai tenor il schef Fredi Gmür. El saja en in bajetg istoric, circumdà dal guaud da protecziun ed i dettia ina colliaziun cun l’infrastructura turistica en la regiun. Els hajan elegì Trin, perquai ch’il project guaud da muntogna saja in'organisaziun da non profit che lavuria datiers da la natira e che s’engaschia per in turissem persistent. E quai tschertgian era ils giasts dals albierts da giuventetgna, di Gmür.
Basegns dad in ferm partenari
Il center guaud da muntogna organisescha projects – surtut cun voluntaris – per tgirar e mantegnair ils guauds. Els dovrian in ferm partenari ed era in albiert per lur giasts, di il manader da fatschenta dal center Martin Kreiliger. Ils giasts vegnan per regla il zercladur ed il settember, ed uss possian ils turists vegnir l’enviern tar els; ed uschia possian els nizzegiar sinergias. A partir dals 9 da december e quel lura avert per giasts.
Nov albierts en il Grischun
Els hajan cumenzà a planisar l’albiert da giuventetgna a Trin l'onn 2013. E dus onns pli tard hajan els decidì da bajegiar. Las lavurs han cumenzà la primavaira 2016 e cuzzà fin uss.
Cun quest albiert datti uss nov en il chantun Grischun.
RR novitads 17:00