Siglir tar il cuntegn

Header

cuntegn

Surselva Alarms electronics da selvaschina èn sa cumprovads

Il chantun ha en plirs lieus installà sistems electronics per l'avertiment da selvaschina. En tscherts lieus èn els per il mument dentant deactivads pervi da lavurs da construcziun.

Cun concepts communabels da l'Uffizi da construcziun bassa e da l'Uffizi da chatscha e pestga vul il chantun mantegnair ils sistems d'avertiment era suenter che lavurs d'engrondiment vi da la via èn vegnidas fatgas.

Quai per exempel sin la via tranter Tumein e Trin, che vegn per il mument fatga pli segira. Durant quellas lavurs vegn il sistem d'avertiment electronic demontà. Cura che las lavurs èn a fin, duai dar in nov sistem d'avertiment sin in tschancun. Sin il rest vul il chantun chanalisar ils animals cun construir saivs per lung la via.

audio
Bunura: Avertiment da selvaschina tranter Tumein e Trin
ord Actualitad dals 18.04.2018.
laschar ir. Durada: 1 minuta 10 Secundas.

Sistem avant Sumvitg era ord funcziun l'enviern passà

Durant las lavurs vi da la punt da la Val Mulinaun e la construcziun da la via nova tranter Rabius e Sumvitg è il sistem d'avertiment electronic da selvaschina stà ord funcziun l'enviern passà. Sco Roger Stäubli da l'Uffizi da construcziun bassa ha declerà, mussian las experientschas da l'enviern passà ch'in tal sistem fetschia senn en quest lieu, uschia che quel vegnia puspè reactivà.

audio
Bunura: Sistem d'avertiment nov a Sumvitg e Mustér
ord Actualitad dals 18.04.2018.
laschar ir. Durada: 1 minuta 14 Secundas.

Nov sistem curt avant Mustér

L'Uffizi da construcziun bassa è il mument era londervi da megliurar la via principala curt avant il vitg da Mustér sur l'aclaun da Disla. Era en quest lieu saja en collavuraziun tranter ils dus uffizis planisà d'examinar il basegn per in sistem d'avertiment electronic, ha confermà Roger Stäubli da l'Uffizi da construcziun bassa.

RR actualitad 07:00

Artitgels legids il pli savens