Siglir tar il cuntegn
Inhalt

Surselva agrischa 2016 cun program fitg variant

Il giubileum da 100 onns Uniun purila Surselva è il tema central durant l’agrischa 2016 a Glion.

Curdin Capeder (san.) e Curdin Foppa (dre.) preschentan il placat da l'agrischa 2016.
Legenda: Curdin Capeder (san.) e Curdin Foppa (dre.) preschentan il placat da l'agrischa 2016. RTR, C. Albin

Per il president dal comité d'organisaziun da l’agrischa 2016 Curdin Foppa es i grond cletg, che l'Uniun purila Surselva festivescha gest quest onn il giubileum da 100 onns. Sper las purschidas usitadas tractan differents puncts en il program da l’exposiziun agricula quai giubileum.

Sairas da films ed in cudesch

Gia avant la festa d'avertura entschaiva il program cun duas sairas da film el Cinema sil plaz a Glion. Ina saira vegnan mussads differents films vegls sur da l'agricultura ord il fundus dal museum regiunal Surselva. La secunda saira vegn preschentà in film documentar da Valentin Thurn. Il film tematisescha il futur da l'agricultura e co l’umanitad sa vegnir nutrida l’onn 2050.

La saira d’avertura vegn plinavant preschentà in cudesch sur da la istorgia da l’Uniun purila Surselva. L’istoricher Simon Bundi ha repassà differents documents ord l’archiv da l’uniun e rimnà fatgs interessants.

La agrischa ha lieu a Glion ils 23 e 24 d’avrigl 2016.