Siglir tar il cuntegn
cuntegn

Surselva Accident mortal sin pass Alpsu

Sin il pass Alpsu hai dà in accident mortal cun in töf. Sco quai che la polizia chantunala communitgescha era il motociclist da 56 onns sin via da Sedrun encunter il pass Alpsu.

L'accident era gist sut l'ospizi dal pass Alpsu.
Legenda: L'accident era gist sut l'ospizi dal pass Alpsu. mad

Radund 200 meters sut l'ospizi dal pass Alpsu è l’um da 56 onns vegnì en ina curva sin il vial oppost. Alura è el charrà da la spunda giuadora e alura sa platgà en il letg d’in aual. Malgrà che viagiants èn immediat vegni vitiers e prestà il prim agid e malgrà l’agid dal team d’ambulanza è l’um anc morts al lieu dal accident, scriva la polizia chantunala dal chantun Grischun. En acziun eran dasper la polizia chantunala era ils pumpiers da Sursassiala e ina patruglia da la polizia dal chantun Uri.

RR novitads 15:00