Siglir tar il cuntegn
cuntegn

Surselva Accident grev tranter Trin e Tumein

Sin la via principala en direcziun da Mustér è capità las 11:15 in accident grev. Tar in manever da surpassar tar Platta / Tumein è in motociclist mort e quatter persunas èn sa blessadas.

Ils passaschiers èn l'auto che mava ensi èn vegnids blessads.
Legenda: Ils passaschiers èn l'auto che mava ensi èn vegnids blessads. Polizia chantunala

Sco la Polizia chantunala ha communitgà, era il motociclist da viadi davos in camiun ed in auto da persunas en direcziun da Tumein. El ha surpassà l'auto da persunas e silsuenter il camiun. Tar il manever da surpassar il camiun è il motociclist collidà mez-frontal cun in auto che charrava ensi. Suenter è el vegni sin il vial oppost e collidà cun la saiv directiva sco er cun la vart davant dal camiun.

La moto è vegnida donnegiada dal tuttafatg.
Legenda: La moto è vegnida donnegiada dal tuttafatg. Tar l'accident è il motociclist mort. Polizia chantunala

Malgrà che persunas al lieu sco er ils teams da pliras ambulanzas e da la Rega han empruvà da reanimar il motociclist è quel mort anc en il lieu. L'automobilista e dus passagiers èn sa blessads levamain, ina passagiera mez-grev.

Il traffic è vegnì svià durant duas uras sur Panaduz e Glion.

RR novitads 12:00+