Siglir tar il cuntegn

Header

cuntegn

Surselva Accident cun charrotscha en Tujetsch

A Dieni hai dà mardi suentermezdi in accident cun ina charrotscha da chavals. Il charrotschier è vegnì blessà mezgrev. Quai ha communitgà la Polizia chantunala.

L’accident è capità suenter ch’ils passagiers eran sortids da la charrotscha. Ina lavina giu da tetg ha fatg siglir si ils chavals. Quels èn lura currids davent. Il charrotschier è crudà sut la charrotscha ed è vegnì tratg suenter per radund 300 meters. Passants han la finala pudì franar ils chavals. Il charrotschier da 57 onns, ch’è blessà mezgrev, è vegnì sgulà cun la Rega en l’Ospital chantunal a Cuira.

RR novitads 09:00

Artitgels legids il pli savens