Siglir tar il cuntegn
Inhalt

Surselva A Trun ha la mesadad dal cussegl da vischnanca abditgà

Per las elecziuns communalas ha Trun da tschertgar 8 novas cusseglieras u cussegliers per il cussegl da vischnanca.

Vitg da Trun.
Legenda: Vitg da Trun. RTR, Gion Hosang

Che 8 da 15 cussegliers na stattan betg a disposiziun per in'ulteriura perioda d’uffizi da trais onns n’è betg ina surpraisa per il president communal da Trun Dumeni Tomaschett. Tenor el saja quai normal ed el na fetschia era betg quitads ch’i na dettia betg avunda candidats per ils posts libers en il cussegl da vischnanca. Sco quai che Dumeni Tomaschett ha ditg vinavant ad RTR saja gia vegnì inoltrà propostas da candidats.

Vinavant a disposiziun stattan Adrian Defuns, Marcel Flepp, Rafael Guldimann, Mario Lechmann, Beat Pfister, Patricia Trento e Philippe Vincenz. Plinavant ha l'entira cumissiun da gestiun demissiunà. La suppleanta Catrina Livers stat dentant a disposiziun sco commembra da la cumissiun. Fin ils 26 d’october san gruppas d’almain tschintg votantas e votants far a scrit propostas da candidatas e candidats. Las elecziuns communalas èn ils 26 da november.

RR novitads 06:00