Siglir tar il cuntegn

Header

cuntegn

Surselva A la tschertga da gidanters

Sedrun Mustér Turissem tschertga anc gidanters per il di naziunal da viandar che la destinaziun organisescha ensemen cun l’illustrada “Schweizer Familie”.

audio
Sedrun Mustér Turissem tschertga gidanters
ord RTR Audio dals 04.08.2015.
laschar ir. Durada: 2 minutas 2 Secundas.

Tenor il directur da Sedrun Mustér Turissem, Hans-Kaspar Schwarzenbach, fissi bun d’avair var 50 gidantras e gidanters. Fin ussa han ils appels purtà var 30 annunzias. Ils gidanters pon s’annunziar ed inditgar tge lavurs ch’els vulan surpigliar. Uschia èsi per exempel da diriger ils autos sin ils parcadis, tegnair fieu en fuainas nua ch’ils viandants pon brassar ina liongia, ubain era sa gidar tar la gastronomia. Ina indemnisaziun en furma da daners na datti betg per ils gidanters. Sco quai che Hans-Kaspar Schwarzenbach ha ditg, dettia quai in t-shirt da viandar e bons per mangiativas e bavrondas.

Viandar cun prominents

Sche l’aura è bella, quinta Hans-Kaspar Schwarzenbach cun var 1'500 viandants che vegnan a Mustér e sa participeschan ad ina da las 3 spassegiadas, che duran tranter 1 ½ fin 2 ¾ uras. La partenza ed arrivada è mintgamai tar il Center da sport e cultura. Las spassegiadas vegnan era accumpagnadas da persunas prominentas. Uschia è il musicist Pepe Lienhard, l’actur Stefan Gubser e l’ex mister svizra Renzo Blumenthal da la partida. La saira sa preschentan tranter auter Pepe Lienhard, Marie Louise Werth e Pascal Gamboni.

Artitgels legids il pli savens