Siglir tar il cuntegn
Inhalt

Surselva A Glion datti bainbaud puspè in tschaiver

Suenter ina pausa da 6 onns datti a Glion puspè ina festa da tschaiver. La gugga «Grischalottas» ha organisà concerts da musicas da tschaiver en la citad, ed ina festa en halla da la chasa da scola.

La musica da tscheiver Grischalottas organisescha il tschaiver a Glion.
Legenda: La musica da tscheiver Grischalottas organisescha il tschaiver a Glion. mad

La davosa festa da tschaiver a Glion è stada l'onn 2011. Suenter che l'uniun da tschaiver è sa schliada, ha la gugga «Las Barlottas da Glion» anc organisà in onn il tschaiver. L'interess tar la populaziun è dentant stà pitschen, ed uschia n'ha era la musica da tschaiver betg tratg vinavant il car. Uss, suenter 6 onns pausa, fa la musica da tschaiver «Grischalottas» ina nova prova da reactivar il tschaiver a Glion.

Tschaiver senza til …

Sco il president da las «Grischalottas», Stefan Arpagaus, ha ditg a RTR, na dettia dentant betg in til da tschaiver. El haja bain dumandà la scola da Glion. La scola na saja però betg interessada, ed ins na possia era betg sfurzar ils uffants da vegnir ina sonda a Glion.

… però cun «concert da monster»

Senza las classas da Glion manchia insatge. Ed uschia hajan els decidì da betg organisar in til. Planisads èn concerts sin la plazza cumin amez Glion, ed in «concert da monster» cun festa en la halla da gimnastica da la chasa da scola a Glion.


RR actualitad 06:00


Ord l'archiv

Legende: Video Telesguard 14.02.2009 - Tscheiver a Glion abspielen. Laufzeit 01:14 Minuten.
Or da RTR dals 13.12.2017.