Siglir tar il cuntegn

Surselva A fin suenter 95 onns: Consum puril Zignau sto serrar

L'associaziun consum Zignau e conturn serra suenter 95 onns.

Ins possia dir, che la stizun a Zignau perda mintga mais «ina da milli» di Lucas Arpagaus, il president da l'Associaziun consum Zignau e conturn. En quest num Associaziun Zignau e conturn sa zuppa in'atgnadad, numnadamain:

Istorgia

Oriundamain han ils da Zignau fundà quell'associaziun l'onn 1922 e manà dapi lura la stizun da Zignau sut quest num. Pli tard ha l'associaziun da Zignau avert er a Trun ina stizun. Uss san ins dir, che la stizun oriundamain principala serra sias portas e la filiala d’antruras ha surpiglià la funcziun sco stizun principala.

Persunal

La stizun a Zignau vegniva manada da duas persunas en pensums parzials. Quellas duas persunas vegnan integradas en il manaschi da la stizun a Trun.

Ina pitschna consolaziun per ils da Zignau datti dentant: Il tancadi da diesel resta, e tranter Trun e Zignau cursescha il bus da posta. Uschia n'è er la glieud pli veglia betg gist tagliada giu da la pussaivladad da far las cumpras da mintgadi.

RR actualitad 07:00