87’400 francs per mesiras da protecziun sur Trin Mulin

La regenza grischuna ha approvà il project per la protecziun cunter crudada da crappa a Trin-Mulin e concedì ina contribuziun da 87’400 francs.

Tar las lavurs da rumida da quest onn è vegnì chattà in toc grip instabil pli grond.

Legenda da maletgs: Tar las lavurs da rumida da quest onn è vegnì chattà in toc grip instabil pli grond. mad

Sur Trin era vegnì construì il 1906 ina chombra d’aua che vegn d’ina vart duvrada per il provediment d’aua da baiver e da l’autra vart per la producziun d’energia. L’access a la chombra d’aua maina tras ina chavorgia da grip che vegn segirada regularmain cun rumir la grippa ch’è sa distatgada.

Grip instabil pli grond

Tar las lavurs da rumida da quest onn è vegnì chattà in toc grip instabil pli grond. Cunquai ch’il geolog consultà ha giuditgà la situaziun sco privlusa ha la vischnanca incumbensà l’uffizi da guaud e privels da la natira d’examinar e d’elavurar mesiras per reducir il privel.

RR novitads 10:00