Siglir tar il cuntegn

Header

Navigaziun

Legenda: Guardar il video La KESB po trair ina buna bilantscha en Grischun. Durada 02:53 minutas.
Or da Telesguard dals 26.09.2016.
cuntegn

Surselva 719 cas d’uffants e 1‘900 cas da creschids l’onn 2015

L’autoritad per la protecziun da l’uffant e da creschids KESB ha tratg ina buna bilantscha per l’onn 2015. En relaziun cun il dumber da la populaziun media ha ella gi da tractar damain cas che la media svizra.

Christian Rathgeb (san.) e Giusep Defuns (dre.).
Legenda: Christian Rathgeb (san.) e Giusep Defuns (dre.). RTR

Il chau dal departament da giustia, segirezza e sanadad Christian Rathgeb ha tratg ina buna bilantscha da la lavur da l’autoritad per la protecziun da l’uffant e da creschids KESB oz a Glion. Il dumber da cas per l’entir Grischun munta a 719 cas d’uffants e 1’900 cas da creschids. En relaziun cun il dumber da la populaziun èn quai 2,25% cas d’uffants e minorens (media svizra 1,16%) e 1,16% cas da creschids (media svizra 1,27%).

Era impurtant saja il fatg, che damain che 1% da las decisiuns da la KESB na sajan betg vegnidas acceptadas da las persunas pertutgadas ed hajan stuì vegnir tractadas da la Dretgira chantunala. Las decisiuns da la KESB vegnian pia per la pli gronda part acceptadas, la qualitad da las decisiuns constettia.

Giusep Defuns, parsura da la direcziun da l’KESB.
Legenda: Giusep Defuns, parsura da la direcziun da l’KESB. RTR

Nov parsura da la direcziun da la KESB

Giusep Defuns è vegnì preschentà sco nov parsura da la direcziun da las tschintg autoritads per la protecziun d’uffants e creschids dal Grischun. El resta vinavant il manader da la KESB regiun Surselva. Sco parsura è el dentant da nov responsabel per il contact da las 5 autoritads cun l'Uffizi da giustia, segirezza e sanadad.

Las ulteriuras incumbensas èn la coordinaziun tranter las autoritads, il svilup da la pratica e la garanzia da la qualitad. Era è la direcziun l’autoritad centrala per las convenziuns da Den Haag per la protecziun d’uffants e da creschids sco er l’autoritad executiva en cas da repatriaziuns d’uffants.

RR novitads 12:00