Siglir tar il cuntegn

Surselva 7132 SA surpiglia l'hotel Kurhaus a Lai

Tenor ina communicaziun en il Fegl uffizial chantunal vegn la Kurhaus Lenzerheide SA integrada en la 7132 SA. Tar omaduas interpresas ha Remo Stoffel la maioritad da las aczias.

Enrada dal hotel Kurhaus a Lai.
Legenda: La Kurhaus Lenzerheide SA vegn integrada en la 7132 SA. kurhaus.com

L'investider Remo Stoffel unescha ses engaschaments finanzials tar hotels en la 7132 SA. Sco publitgà mesemna en il Fegl uffizial chantunal vegn la Kurhaus Lenzerheide SA integrada en la 7132 SA. Nov èn uschia ils hotels «Kurhaus» a Lai ed ils hotels «Glenner» e «7132» a Val sut il medem tetg.

Tenor il pledader da Remo Stoffel, Peter Hartmeier, schabegia l'integraziun da la Hotel Kurhaus SA en la 7132 SA mo per simplifitgar l'administraziun davos las culissas. Sin la lavur quotidiana da l'hotel Kurhaus n'haja quella fusiun nagina influenza.

RR novitads 17:00