Siglir tar il cuntegn
cuntegn

Surselva 6 milliuns francs per abitaziuns a Rabius

L’investur da Cuira Jörg Löser vul realisar in segund project a Rabius (visavi da sia stizun Moorstore).

Il project da Jörg Löser a Rabius.
Legenda: Il project da Jörg Löser a Rabius. RTR, H. Giger

Previs èsi da bajegiar duas chasas cun 9 abitaziuns (3 da 4 ½ stanzas, 3 da 3 ½ e 3 da 2 ½). Il project custa 6 milliuns francs, sco Jörg Löser ha ditg ad RTR. Passa la mesadad, 60% da quests daners, haja el gia rimnà. Ed el sincerescha ch’el veglia realisar quest project.

Problems pervia da la votaziun da abitaziuns secundaras

Avant in pèr onns avevi el gia quasi rimnà ils daners, mo alura haja la votaziun da abitaziuns secundaras (mars 2012) fatg in stritg tras il quint. E la consequenza saja ch’el haja survegnì mo ina lubientscha per abitaziuns primaras.

Lubientscha da bajegiar scada la fin d'october

Mo i fa prescha. Sco il president da la cumissiun da bajegiar da la vischnanca da Sumvitg Martin Bundi di, hajan els gia prolungà trais giadas la lubientscha da bajegiar. E cun la fin d’october scadia questa, e sche Löser na bajegia betg stoppia el cuvrir e humusar il plaz.

RR actualitad bunura