La Colonna d’agid Sedrun-Tujetsch è vegnida fundada sin giavisch da la colonna d’agid Mustér e la secziun dal Club Alpin Svizzer Piz Terri. Sco Ignazi Schmid raquinta creschiva la populaziun en la val Tujetsch ed adina dapli persunas, sajan quai turists ubain era indigens, gievan en las muntognas. Uschia deva quai era dapli acziuns da salvament en Tujetsch. Perquai saja vegnì fundà ina colonna d’agid per la Val Tujetsch. Questa ha Ignazi Schmid timunà 25 onns.
Ti stoss pudair prender la chaussa sco ella è ed esser dir cun tatez
Al cumenzament haja quai duvrà material andant ed uschia hajan ins dumandà la vischnanca, l’uniun da cura e traffic e la scola da skis per agid finanzial. Sco Ignazi Schmid di, hajan ins suenter pudì cumprar tut quai ch’i haja duvrà per pudair ir en las muntognas.
La lavur en la colonna d’agid na saja betg adina stada simpla. Cunzunt betg sch’i gieva per acziuns da salvament nua vischins eran cumpigliads. Uschia èsi adina puspè capità ch'Ignazi Schmid ha stuì vegnir enavos cun convischins ch’eran sa disgraziads mortalmain. «Ti stoss pudair prender la chaussa sco ella è ed esser dir cun tatez» declera el. Uschiglio sajan ins en il fauss lieu.
Malgrà quai na s’enricla Ignazi Schmid betg d'avair timunà la colonna d’agid Tujetsch durant 25 onns. I haja era dà bler satisfacziun. Quai cunzunt cura ch’els hajan pudì vegnir a chasa e tut era i ora en bain.
