Siglir tar il cuntegn

Header

cuntegn

Surselva 5 milliuns francs per sanar ed engrondir il Bogn Sedrun

Il Bogn Sedrun è vegnì construì il 1971. Suenter passa 40 onns èsi necessari da sanar el. E perquai nizzegia la suprastanza da la vischnanca da Tujetsch la chaschun dad era engrondir el.

audio
Bunura: Sedrun - Sanaziun dal bogn cun nov bogn avert
ord Actualitad dals 11.05.2016.
laschar ir. Durada: 2 minutas 49 Secundas.

Previs èsi da realisar ina part ordavert, pia ina colliaziun dal bogn cuvert cun ina part en il liber cun aua chauda. Sco il gerau dal departament da bajegiar, André Schmid, ha ditg ad RTR, giajan els a guardar intgins bogns en il Grischun. Quai per sclerir con grond ch’in tal bogn fiss e quantas persunas ch'avessan plaz en quel.

Serrar il bogn Sedrun n'è betg ina opziun

Il president communal da Tujetsch, Beat Roeschlin, di ch’els dovrian «ina tur da signal supplementara.» I na stettia betg en discussiun da serrar il bogn, era sche quel fetschia mintg’onn in deficit. Mo cun ulteriuras investiziuns veglian els guardar che quel na creschia betg.

Investiziuns da fin 5 milliuns francs

Investiziuns èn era previsas per las fanestras ed il stgaudament e per sanar las gardarobas ed optimar il manaschi. L’entir project custa 4,5 fin 5 milliuns francs.

RR actualitad bunura 06:00

Artitgels legids il pli savens