L’emprim president dal Club da tennis Trun è stà Serafin Rensch, che ha manà il club ils emprims 5 onns. El sa regorda anc bain da l’entschatta e co gia la tschertga d’in terren adattà per construir dus plaz da tennis è stà stentusa. Cun survegnir la lubientscha da bajegiar n’èn ils problems dentant betg sparids
Per spargnar daners ha il club decidì da cuvrir ils plaz cun in crap blau da Valendau. In crap pli bun martgà che la cuvrida usitada per plaz da tennis, che era dentant memia glischa cura ch’ella era bletscha. Uschia ha ella tuttina stuì vegnir cuvrida cun il material usità. Custà han ils dus emprims plaz da tennis CHF 35’000.-.
Circa 140 commembers
L’idea da fundar in club da tennis a Trun ha gì success. Gia 2 onns suenter la fundaziun dumbrava il club sur 100 commembers. Oz ha il club ensemen cun ils juniors circa 140 commembras e commembers activs. Tenor Serafin Rensch è quai dumber stà davent da l’entschatta fin oz pli u main constant.