Tenor ina communicaziun da pressa da l'hotel è planisà da renovar las entradas e las chombras dal Grand Hotel Waldhaus, dal Chalet Belmont e da la Villa Silvana.
Plinavant vegn la zona da wellness engrondida, il pavigliun da Jugendstil duai daventar in center da conferenzas ed ils differents restaurants vegnan concepids da nov. L’entir areal dal Waldhaus duai era vegnir equipà cun tecnologia moderna.
Las grondas lavurs da renovaziun vegnan exequidas davent dal settember enfin la fin november da quest onn. Durant quai temp resta l'hotel serrà. Entschatta december duai l'hotel renovà lura puspè avrir sias portas.
RR novitads 15:00