Siglir tar il cuntegn

Header

cuntegn

Surselva 30 onns Las Bagordas

Avant 30 onns han in tozzel fanatichers da tschaiver fundà Las Bagordas. Dapi lura è la musica da tschaiver ina part dal tschaiver sursilvan.

Aifer 3 decennis è la gugga Las Bagordas creschida ed è ussa cun 50 commembers la pli gronda musica en Surselva. Per lur giubileum ha l’uniun organisà in bal da guggas. A quel èn oravant tut musicas da tschaiver da la bassa che duain dar nov schlantsch al tschaiver indigen. La GuggaNight na duai betg esser ina concurrenza ad in’autra occurrenza da tschaiver en la regiun, ha il president Roman Beer accentuà. La saira cun concerts dad otg musicas da tschaiver duai cunzunt dar la pussaivladad als commembers da las guggas indigenas da tadlar e vegnir en contact cun autras guggas. Il bal è sonda, ils 17 da schaner 2015 en il Center da sport e cultura a Mustér e cumenza las 20.30.

Tge vegn raquintà da Las Bagordas?

Sa chapescha ch’era las autras musicas da tschaiver da la Cadi enconuschan Las Bagordas. Perquai ha RTR era prendi la chaschun da dumandar tge che vegn raquintà da Las Bagordas e tge che plascha, respectiv na plascha betg. Il president Roman Beer ed il dirigent Serafin Beer han lura dastgà commentar quai.

Artitgels legids il pli savens