Siglir tar il cuntegn

Header

cuntegn

Surselva 30 novas abitaziuns a Glion

A Glion datti actualmain plirs projects per grondas surbajegiadas. In da quels è il project Paradiesgärtli, quai èn 3 chasas cun mintgamai 10 abitaziuns.

Realisadas vegnan 3 novas chasas da 5 auzadas datiers dal bogn avert da Glion. Mintga chasa cumpiglia 10 abitaziuns da 2,5 enfin 5,5 stanzas. Il patrun da construcziun è l'interpresa CABA Immobilien SA, ch'investescha en tut rodund 20 milliuns francs. Las abitaziuns duessan esser prontas sin la fin settember 2017.

audio
Saira: Abitaziuns a Glion - emprima badigliada Paradiesgärtli
ord Actualitad dals 01.09.2015.
laschar ir. Durada: 2 minutas 32 Secundas.

Abitaziuns vegnan vendidas

Las abitaziuns custan davent da CHF 380’000.- per ina abitaziun pitschna enfin CHF 980’000.- per ina abitaziun d'attica. Tenor Armin Casutt, il president da la CABA Immobilien SA, sajan da las 30 abitaziuns gia 6 u 7 reservadas ni schizunt vendidas. Las abitaziuns sajan cunzunt attractivas per giuvens pendularis cun famiglia, che lavurian forsa a Cuira ni Domat. La scola saja gist dasperas e la staziun da viafier cuntanschibla a pe en paucas minutas.

Artitgels legids il pli savens