Siglir tar il cuntegn

Surselva 25 onns uniun da teater Siat e nagin ch’è unfis

Giugà teater han ins gia pli baud a Siat. Lura era quai simplamain il chor maschadà ch’organisava il teater.

Legenda: Guardar il video «Teater a Siat: «Igl apiestel da legums»». Durada 2:35 minutas.
Or da Actualitad video dals 05.04.2016.

L'uniun da teater, fundada l'onn 1991 sco gruppa culturala, ha manà si en tut 10 tocs durant quels 25 onns. Per far quai, dovri insatgi che tira il char. En il cas da Siat èn quai ils fragliuns Berthold Derungs e Romy Carigiet-Derungs.

Ils fragliuns Romy Carigiet- Derungs e Berthold Derungs
Legenda: Berthold Derungs e Romy Carigiet-Derungs ils fragliuns e reschissurs da la gruppa da teater da Siat RTR,L. Livers

Cler che betg mo ils fragliuns Derungs han fatg teater mo els en stads il motor da questa uniun. Ils davos onns han els adina puspè chapì da tschertgar tocs umoristics che van bain a prà cun l’uniun da teater da Siat.

Lur agen translatur

Cun Ignaz Spescha han els chattà in translatur per l’atgna chasa, pudess ins dir. El chapescha da metter ils tocs en il linguatg ch'ils da Siat dovran.

Quest onn gioga la gruppa da teater da Siat la cumedia «Igl apiestel da legums», igl è in toc che va bain a prà cun la gruppa ch'è sa spezialisada sin tocs umoristics. La reschia fa Romy Carigiet-Derungs.

La premiera a Siat è mesemna saira ils 13 d'avrigl 2016. Ulteriuras producziuns èn ils 16, 17, 20, 22, 23 d'avrigl 2016.