Siglir tar il cuntegn

Surselva 25 onns rudè d'uffants Glion

Tgirar ils contacts socials tranter uffants – ina da las pli impurtantas funcziuns dal rudè d'uffants.

Il pli impurtant en curt

  • Giubileum da 25 onns «Rudè d'uffants Glion»
  • 70 uffants fan part
  • Sentupada a Cumbel ed a Glion

Il Rudè d’uffants n'è betg scolina e betg scola, perquai n'è el era betg obligatorics. Ils geniturs ston pajar sez ina part da quella activitad da lur uffants. L’uniun Rudè d’uffants Glion vegn era sustegnida da las vischnancas da Glion e da la Lumnezia.

Ils var 70 uffants pon visitar il rudè en ina gruppa rumantscha u ina gruppa tudestga. A Cumbel, che vegn medemamain manà da la gruppa da Glion, datti be duas gruppas rumantschas.

Il rudè d’uffants dat als uffants la pussaivladad da far emprims pass per sa statgar da la mamma, da chattar amis ed amias.

Ma era da far charplina e puspè far pasch pon ins emprender en il rudè. Far experientschas tras giugar, experiments ed acziuns communablas stattan en il center da tuttas activitads dal rudè d’uffants.

RR actualitad 11:00

Custs Rudè d’uffants

1x ad emna 50 francs al mais

2x ad emna 90 francs al mais

3x ad emna 135 francs al mais