25 onns biblioteca Breil/Danis

Entschet ha tut cun duas curunas da cudeschs, oz san ins retrair 5'000 titels.

La chasa da scola da Danis, en colur mellen oransch.

Legenda da maletgs: La chasa da scola da Danis dat suttetg a la biblioteca. mad

L'onn 1992 na devi anc betg smartphones e programs da televisiun tut a dubel. La biblioteca era entras quai per bain inqual persuna in lieu da retschertga e da recreaziun. La chau-bibliotecara fin l'avust da quest onn, Claudia Cathomen-Nay, sa regorda da temps ch'ils uffants visitavan stediamain la biblioteca.

Anc oz ha la biblioteca sia giustificaziun ed emprestar cudeschs è insatge che blers fan. La biblioteca a Danis cun ses 5'000 titels sa uschia era adina esser sin il pli nov stan. Var 10% dals cudeschs vegnan remplazzads onn per onn.

Il motto da la biblioteca da Breil/Danis: «Tgi che legia, sa dapli»

Cler che la biblioteca en tiara rumantscha porscha era in grond sortiment da cudeschs rumantschs. I dat dentant per mintgin insatge, davent da romans e cudeschs dal fatg fin aventuras e cudeschs da maletgs.

Dapi quest avust vegn la biblioteca da Breil/Danis manada da Evelyn Jascur. Sias gidantras èn Manuela Caduff e Gabi Muoth.