Siglir tar il cuntegn

Header

audio
Radund 20 lufs en Surselva
Or da Actualitad dals 27.03.2020.
laschar ir. Durada: 2 minutas 27 Secundas.
cuntegn

20 lufs en Surselva Ins sto quintar cun dapli lufs en Surselva

La primavaira sa mussa sch'i dat novs pèrins da lufs.

En il Grischun datti var 30 lufs, da quels èn 20 en Surselva. Quai è mo ina stima. La cifra exacta na san ins betg, di Adrian Arquint, il manader da l'Uffizi da chatscha e pestga.

La primavaira porta la vardad

Tipic per il temp da primavaira è ch'ils pèrins da lufs s’entaupan. Sch'i dat novs trieps, sa furman quels la primavaira. Quai saja bain pussaivel questa primavaira, di Arquint e manegia ch'ins stoppia far quint cun dapli lufs en il Grischun.

Dapli lufs vul era dir ch'ils purs ston far dapli attenziun. Il temp cura ch'els entschaivan a laschar ora ils animals èn ils lufs anc en la cuntrada. Ils lufs van en l'autezza perquai che la selvaschina sco tschierv e chamutsch fan era quai. La primavaira san ins dir ils lufs èn là nua la selvaschina è e lezza è là nua ch'i fa verd.

RTR actualitad 07:00

Artitgels legids il pli savens