Dapi quatter mais san ins contemplar crappa en la chasa d'Angel a Lumbrein. Crappa che Lumnezians e Lumnezianas han sez purtà per exponer. L'idea che para uschè simpla è la terza exposiziun en la chasa d'Angel. Igl è l’exposiziun cun il pli grond success fin ussa, di Anne-Louise Jöel la manadra da la chasa d'Angel.
Bleras activitads en chasa
Durant il temp d'exposiziun han gì lieu 18 differentas occurrenzas en la chasa d'Angel. Tut occurrenzas che han gì in connex cun crappa. Temas sco sculpturas, crappa magica, art da crappa giapunaisa «Suiseki», crappella poetica ni era geologia e topografia, èn stads temas d'exposiziun. La finissascha da quest'exposiziun munta che la glieud vegn en il decurs dil di per lur crappa.
RR novitads 12:00