Siglir tar il cuntegn

Header

video
Muhammad Ali è stà a Vella
Or da Telesguard dals 07.06.2016.
laschar ir. Durada: 3 minutas 35 Secundas.
cuntegn

Surselva 1985 è Muhammad Ali stà a Vella

Sur dals cumbats da Muhammad Ali en il rintg na lain nus betg rapportar. Nossa istorgia cun il campiun da boxar american è succedida a Vella en Lumnezia.

Ils 21 da favrer 1985 ha Muhammad Ali visità Vella. Pervia da quella visita datti bleras istorgias a Vella che han da far cun il campiun da boxar. Mintgin che ha vis el quai di ha sia atgna. Uschè enconuschent sco Ali è stà, è la sentupada cun el restada en la memoria da mintgin. Vinzenz Lechmann è in d’els che sa regorda da questa sentupada. Per el ha quai entschet cura ch’el è turnà d’ir cun skis. La nova ch’el ha intervegnì è stada: Muhammad Ali è ella ustaria da la Posta a Vella.

audio
Mezdi: Co Muhammad Ali è arriva il favrer 1985 a Vella
ord Actualitad dals 07.06.2016.
laschar ir. Durada: 2 minutas 49 Secundas.

Ali davos la maisa canorta

Strusch da crair, ma igl era uschia. Il campiun da boxar american seseva a la maisa radunda. Vinzenz Lechmann va a chasa per in cudesch cun maletgs dal campiun e survegn da Muhammad Ali gist quatter autograms. Per la famiglia Lechmann datti anc ina ulteriura surpraisa. Avant l’ustaria prenda Ali lur figl Marco en bratsch. È quai vegn documentà cun fotografias.

Sin visita tar in ami

Il motiv daco ch’el aveva visità Vella è in possessur d’ina chasa da vacanzas a Vella. Willi Wolfinger, bain enconuschent a Vella, aveva fatg enconuschientscha cun Muhammad Ali en l’America. El ha carmalà il champiun quel di a Vella ed uschia procurà per nundumbraivlas istorgias.

La visita da Muhammad Ali cuzza mo in pèr uras ed el banduna puspè Vella. Avant che turnar enavos a Turitg han Muhammad Ali e sia escorta anc visità la baselgia da S. Bistgaun a Degen, sco Vinzenz Lechmann raquinta vinavant. Pertge quella visita a Degen a S. Bistgaun, gliez na sappia el betg.

RR actualitad mezdi

Artitgels legids il pli savens