Siglir tar il cuntegn

Surselva 168 nixas e neptuns en il Lai da Cauma

Sonda passada hai dà in nov record mundial. A Flem en il Lai da Cauma è s'inscuntrada la pli gronda gruppa da nixas.

Tut las nixas ed ils neptuns agl ur dal Lai da Cauma.
Legenda: Tut las nixas ed ils neptuns agl ur dal Lai da Cauma. Schwimmschule Rätia

Nixas e Neptuns vegnan numnadas persunas che nodan cun ina suletta nudaglia vid ils pes. Quest sport prosperescha il mument e per nizzegiar quest boom ha la scola da nudar Rätia organisà il pli grond inscunter da nixas da l’entir mund.

168 persunas, grond e pitschen, han suandà il clom da la manadra da la scola da nudar, han tratg en lur costum da nixa ed han furmà in grond rudè en il Lai da Cauma. Quai munta in record mundial. Il dumber da 168 persunas è vegnì annunzià al cudesch da records Guiness e sche tut constat vegn il record publitgà uffizialmain proxim atun.

RR actualitad bunura