100 dis requirents d’asil a Mustér

«Co s’avischinar als requirents d’asil?» Quai è sta il tema principal da l’orientaziun a Mustér organisada dals responsables la saira dals 09.09.2016.

Sper la via principala a Mustér il nov center per requirents d'asil

Legenda da maletgs: Igl anteriur Hotel Bellavista è parti en bain per dar dimora als requirents d'asil RTR, L.Livers

Las quatter persunas che lavuran en il center per requirents d’asil a Mustér Bellavista èn fitg savens fatschentadas cun chaussas administrativas e na han pervia da quai betg adina temp per approfundar las relaziuns cun ils requirents. Quai ha detg la manadra dal center Marianne Röthlisberger.

Igl isch tar l'anteriura ustaria Bellavista

Legenda da maletgs: Questa porta duai era esser averta per ils indigens RTR,L.Livers

Las plaivs porschan maun

Quai è il punct da partenza per l’idea da Roland Just, il plevon refurmà da la Cadi. Ensemen cun la plaiv catolica ha el envidà a la saira d’infurmaziun e gest preschentà plirs project co s’avischinar als requirents d’asil.

I va per activitads pussaivlas sco curs da cuschinar communabels, emprender tudestg – quai che è la premissa la pli impurtanta per ils requirents d'asil per insumma pudair communitgar cun ils indigens – però er in project dal center d’agricultura: il Kulturkino. Quellas activitads èn vegnidas preschentadas a la saira d'infurmaziun. Tgi che leva ha pudì s'inscriver en ina glista ed inditgar co el ni ella fiss pront da gidar, ed uschia promover ils contacts tranter indigens e requirents d’asil.

Il center Bellavista

  • Il center transitoric per requirents d'asil a Muster porscha plaz per 80 persunas.
  • Ussa vivan 75 persunas là.
  • Da quai èn 10 dunnas e 65 umens.
  • Els derivan da Afghanistan, Eritrea, Etiopia, Somalia e da la Siria.