Sco quai che l’Agentura da novitads rumantscha scriva è il schec da 100'000 francs vegnì surdà ad avat Vigeli Monn entras il manader regiunal da l’UBS da la Svizra orientala Anton Simonet ed il manader da la fatschenta da l’UBS a Glion Adrian Maissen. Mintg’onn obtegn la fundaziun da cultura da l’UBS tranter 500 e 600 dumondas. Rodund 100 vegnan acceptadas.
La renovaziun interna ed externa da la baselgia da la claustra da Mustér vegn a custar enturn 15 milliuns francs.