Siglir tar il cuntegn

Surselva 10 milliuns per la nova sedia da la Regiun Surselva

La Regiun Surselva ha cumprà il stabiliment da la Repower a Glion.

Il bajetg da la Repower cun la surfatscha da veider.
Legenda: La Regiun Surselva ha cumprà il bajetg d'economia e las abitaziuns da la Repower. RTR, L. Livers

Il pretsch da cumpra da 9’950’000.00 francs svizzers po la Regiun Surselva finanziar ord atgnas reservas. Sco quai ch'il president da la regiun Surselva Ernst Sax ha ditg envers RTR, haja la Regiun Surselva fatg questa cumpra per investir ils daners da reserva che na portian quasi nagin tschains sin banca.

Questa fatschenta è suttamessa al referendum facultativ. Sche nagin dumonda referendum, va la fatschenta en vigur en trais mais.