Siglir tar il cuntegn
Inhalt

Surselva 1,81 milliuns per la baselgia claustrala Mustér

Quai è la summa che la regenza vul dar per lavurs da restauraziun per la baselgia claustrala. Sco quai che la regenza grischuna scriva haja ella prendì enconuschientscha dad il concept ed ils custs per quel.

Ina vista endadens la baselgia.
Legenda: Era en l'intern da la baselgia datti basegn da restaurar - là èn sa furmadas sfessas marcantas ed igl ha dà ina polluziun che periclitescha l'effectiv istoric. mad

Cun quai ch’i sa tracta tar la baselgia claustrala Son Martin a Mustér e cun ella tut l'implant claustral dad il stabiliment il pli marcant da la Surselva, propona la regenza da sustegnair la restauraziun cun in credit d’impegn. Il Cussegl grond duai conceder il credit d'impegn dad 1,81 milliuns francs en il rom da la missiva tar il preventiv 2017, scriva la regenza vinavant.

L'onn 2017 duain vegnir restauradas parts da la fatschada, il 2018 l'interiur da la baselgia. Sper las lavurs da restauraziun duai era dar intginas meglieraziuns tecnicas - tranter auter vi dal sistem da stgaudar.

RR novitads 09:00