Siglir tar il cuntegn

Surselva 1,5 milliuns francs per la «Kindercity / Sciencity» a Flem

Il chantun Grischun sustegna la «Kindercity / Sciencity» a Flem cun maximalmain 1,5 milliuns francs. Il project saja relevant per il sistem, argumentescha la regenza grischuna.

Visualisaziun da l'entrada da la "Kindercitiy" en il center da Stenna.
Legenda: Visualisaziun da l'entrada da la «Kindercitiy» en il center da Stenna. MAD

Il vitg d’uffants en il center da Stenna a Flem gidia en spezial d'augmentar la cumpetitivitad turistica tant en la destinaziun Flem Laax sco er en la Surselva ed en la Val dal Rain. Il publicum en mira èn famiglias cun uffants però er classas primaras en il rom da viadis da scola.

Giugar cun la scienzia

Il concept sa basa sin in concept pedagogic che cumbinescha il giugar cun la scienzia e la furmaziun creativa e moderna. Igl è previs da realisar ina tala offerta en tut las quatter regiuns linguisticas da la Svizra.

Dasper il vitg d’uffants a Volketswil ch’exista gia dapi 14 onns, è er en construcziun il project per la Svizra romanda ad Yverdon-les-Bains. Per la Svizra rumantscha è vegnì elegì Flem.

RR novitads 12:00