L'emna proxima suonda la segund'unda da chalira da quest onn. D'ina unda da chalira discurr'ins, sche las temperaturas èn plirs dis sur 30 grads. L'uschenumnà «Omega-Hoch» procura en l'entira Svizra per autas temperaturas. Christoph Siegrist dal SRF Meteo declera:
A partir dal glindesdi vegni di per di pli chaud. Cunzunt en la Val dal Rain ed a Cuira datti temperaturas autas. Il di il pli chaud en Grischun vegn ad esser la mesemna.
L'unda da chalira na resta dentant ditg. Il venderdi e la fin d'emna proxima vegni puspè in pau pli frestg.
La davosa unda da chalira è stada avant bunamain in mais. Ils ultims 10 onns haja cunzunt dà il fanadur 2015 ed il 2018 fitg blers dis da chalira. Er quest onn haja il fanadur gì fitg blers dis chauds. D'in record na po ins dentant betg discurrer.
RR novitads 17:00