Siglir tar il cuntegn

Header

video
Tge dastgan las butias da sport anc a partir da glindesdi?
Or da Telesguard dals 15.01.2021.
laschar ir. Durada: 2 minutas 58 Secundas.
cuntegn

Stizuns serradas Tge vala per las fatschentas da sport?

Davent da glindisdi ston tut las stizuns, che na vendan betg urden ch'ins dovra en il mintgadi, serrar. Damai che las fatschentas da sport porschan in tschert service, restan ad ellas tuttina in pèr libertads.

audio
Butias serradas: Tge dastgan las butias da sport anc?
ord Actualitad dals 15.01.2021.
laschar ir. Durada: 2 minutas 43 Secundas.

Resumà pon ins dir: affittar skis ed aissas sco er far services è lubi. Vender chaussas u cussegliar ils giasts en stizun è però scumandà. Dar ora skis, chapellinas u autras chaussas ch’èn vegnidas reservadas u empustadas online u via telefon, quai è lubì.

Empruvar en l’urden?

Dar a fit rauba è nagin problem. Ma sch’in giast less cumprar ina chapellina u chalzers da skis, sto quel l’emprim empruvar en quels avant ch’el sa cumprar l’urden. E perquai han las fatschentas da sport stuì chattar ina schliaziun: Ils giasts dastgan prender a chasa l’urden ch’els han reservà ordavant, empruvar en là e turnar quai che na va betg u barattar, sch’els dovran in’autra grondezza, declera Mattias Menzli da Menzli Sport.

RTR actualitad 17:00

Artitgels legids il pli savens