Siglir tar il cuntegn
Inhalt

Grischun «Sia frisura m'interesass»

Ins pudess avair sa dumandà u avair sminà ch'il president american pudess far part al Forum mundial d'economia a Tavau. Uss èsi cler – Donald Trump è da la partida. Il plaschair da la glieud a Tavau è dentant plitost pitschen.

Cruschada amez Tavau.
Legenda: Cu il Forum mundial d'economia ha lieu èn las vias da Tavau pli plainas. Quest onn è er il president american preschent. RTR/G. Gabriel

«Che quel vegn a Tavau na chapesch jau betg» u era «sgarschaivel – el duai restar a chasa ed abditgar». Da chattar insatgi che sa legra da la visita da Donald Trump para strusch pussaivel. Sin il pli datti persunas ch'èn in zic pli optimisticas. Insatgi è perfin persvas ch' ina visita a Tavau fetschia bain a Trump. «El po guardar co nus vivain en pasch. Sia tactica da guvernar po forsa profitar da quai.»

Sgarschaivel – el duess restar a chasa ed abditgar.
Autur: Abitanta da Tavau

Simplamain ignorar u almain salidar

E tge faschessan ils da Tavau, sch'els scuntrassan il president american? Per ils blers è cler – ir sperasvi. «Jau schess allegra ed adia. Sch'el na salidass betg mai schess jau pir dretg allegra.» Duas dunnas pli veglias s'interessassan oravant tut per insatge ch'ha gia davent da l'entschatta dà da discutar – ses chavels. «Jau contemplass el. Spezialmain sia frisura m'interessass. Il meglier suflass ei anc in zic», di ella e ri.

RR actualitad 17:00