La radunanza da Seewis ha il venderdi saira cleramain ditg Gea a la cunvegna da prestaziun cun la nova organisaziun turistica «Prättigau Marketing». Ella è s’obligada da contribuir mintg’onn radund 24'000 francs. Cun Seewis ha er l’ultima da las 10 vischnancas involvidas approvà la cunvegna da prestaziun, uschia che la nova organisaziun «Prättigau Marketing» po cumenzar cun sia lavur l’entschatta d’avrigl 2023.
Plinavant han ils da Seewis approvà il preventiv da l’auter onn. Quel prevesa in deficit da 186'000 francs tar expensas dad otg milliuns francs. En pli resta il pe da taglia tar 110% da la taglia chantunala simpla. Plirs credits ha la radunanza approvà:
- 1,13 milliuns per sanar pliras vias
- 300'000 per mantegniment, avertura e prevenziun d'incendis da guaud
- 105'000 per sanar la scola
- 530'000 per sanar la ruina da Solavers
- 200'000 per midar l'illuminaziun da las scolas sin LED
audio
Per tadlar: las novitads da las 08:00
ord RTR Audio dals 03.12.2022.
laschar ir. Durada: 6 minutas 52 Secundas.
